رەئیسی: ئۆممەتی ئیسلامی گەورەترین لەمپەڕە لە بەرانبەر ئیستکباردا

بە پێی ڕاپۆرتی ئاژانسی هەواڵی مێهر، حوجەتولئیسلام رئیسی سەرۆک کۆماری ئێران لەگەڵ ژمارەیەک لە مامۆستایانی سوننەی وڵات کۆبووەوە.

رەئیسی وتی: بۆ من و هاوکارانم زۆر پڕبایەخە کە قسەی ئێوە ئازیزان ببیسین کە قسەی دین و کێشەکانی خەڵک دەکەن.

وتیشی: خاڵی هاوبەشی هەموومان ئەمەیە کە دەبێ بیر لە یەربەرزی و بەرژەوەندییە نەتەوەییەکان بکەینەوە.

سەرۆک کۆماری ئێران رایگەیاند: دوای شەڕی جیهانیی دووەم و دوای تێکشکانی سۆڤییەت، نیزامی چەوسێنەری تەنیا لەمپەڕێک کە لە بەردەم‌ خۆیدا دەیبینی موسڵمانانی یەکگرتوو بوو.

جەختیشی کرد: ئیستکبار بە پڕوپاگەندەی میدیایی و دروست کردنی گرووپە تەکفیرییەکان بۆ خوێنڕژاندنی موسڵمانان و سووکایەتی بە پیرۆزییەکان بە تایبەت بە پێغەمبەری ئیسلام و کتێبە ئاسمانییەکان دژی موسڵمانان کاری کرد.

یەکگرتوویی و یەکڕیزی ئوممەتی ئیسلامی ئەرک و ستراتێژی هەموو موسڵمانانە.

جەختیشی کرد؛ پێشکەوتنی ئوممەتی ئیسلامی لە هەر کوێ جیهات بن بەستراوە بە یەکگرتوویی و یەکڕیزی موسڵمانانەوە.

لە بارەی بەرخۆدان لە ناوچەکەش وتی: ئێستا رەوتی بەرخۆدان دەستی باڵای هەیە لە گۆڕەپانەکەدت و باسی سازش و خۆبەدەستەوەدان سەبارەت بە فەلەستین کۆتایی پێهاتووە.

وتیشی: تا دوێنێ باس لە هێرش بۆ سەر ئێران دەکرا بەڵام ئێستا ئیدی پەلاماردانی ئێران لە ئەدەبیاتی چەوسێنەران دا نەماوە.چونکوو ئێرانی ئەمڕۆ بەهێزە.